Monday, June 9, 2008

മാഹി ബ്ലോഗ് ശില്പശാല 8 June 2008

മാഹി പൂഴിത്തല എത്തും മുന്‍പ് പറയണമെന്ന് കണ്ടക്ടറോട് മൂന്നു വട്ടം ചട്ടം കെട്ടിയതാണ്. അയാള്‍ മറന്നു. യാത്രയില്‍ മയങ്ങിപോയ ഞാന്‍ മാഹിയെത്തിയപ്പോള്‍ അല്‍ഫോണ്‍സച്ചന്‍ വിളിച്ചുണര്‍ത്തിയ പോലെ ഉണര്‍ന്നു. എം.മുകുന്ദന്റെയും കുമാരന്‍ മാഷിന്റെയും മയ്യഴി.. മഴചാറ്റലിലും ദാഹിച്ചു. ഉപ്പു നാരങ്ങാ സോഡാ വെള്ളം തേടി രണ്ടു പെട്ടിക്കട കയറിയിറങ്ങി. അപ്പുറവുമിപ്പുറവുമുള്ള വൈന്‍ ഷോപ്പുകളില്‍ ചുകന്ന കുപ്പികള്‍ സുലഭമായി കിട്ടാ‍നുണ്ട്. മൂന്നാമിടം-കൂള്‍ ബാറില്‍ നിന്ന് സോഡാ സര്‍ബത്ത് കിട്ടി. തിരികെ പൂഴിത്തലക്ക് റിക്ഷക്ക് പത്തു രൂപയാകുമെന്ന് കടക്കാരന്‍ പറഞ്ഞു. റിക്ഷ അഴിയൂരിലെത്തിയപ്പോഴാണു അബദ്ധം പിന്നേയും പറ്റീന്നറിഞ്ഞത്. റിക്ഷ തിരിച്ചു വിട്ടു. പത്തു രൂപ പതിനഞ്ചു രൂപയായി. പൊള്ളുന്ന എണ്ണ കത്തിച്ചതല്ലേ...
അഖില കേരള ബാലജന സഖ്യം കണ്ണൂര്‍ മേഖലയുടെ സംഘാടനത്തില്‍ നടന്ന മാഹി ബ്ലോഗ് ശില്പ ശാലയില്‍ ഇരുപത്തഞ്ചോളം കുട്ടികള്‍ പഠിതാക്കളായെത്തി. ബ്ലോഗിന്റെ ബാല പാഠം അറിയുവാനായി കണ്ണൂരാനെയും ചിത്രകാരനെയും അവര്‍ വിളിച്ചു വരുത്തിയിരുന്നു.
പഠന കളരിക്ക് ബാലജന സഖ്യം രക്ഷാധികാരി അഡ്വ.സി.ഒ.ടി.ഉമ്മര്‍, മോഹനന്‍ കത്ത്യാരത്ത്, ചന്ദ്രബാബു എന്നിവരുടെ സജീവ പങ്കാളിത്തമുണ്ടായിരുന്നു. ശില്പ ശാല നടന്ന പൂഴിത്തലയിലെ വീട്ടില്‍ മാഹി മുനിസിപ്പല്‍ കൌണ്‍സില്‍ ചെയര്‍മാന്‍ രമേശ് പറമ്പത്ത് , കൌണ്‍സിലര്‍മാരായ ഷീജ, സത്യന്‍ കോളോത്ത് എന്നിവരും എത്തിയിരുന്നു. മാഹിയിലെ സാധാരണക്കാര്‍ക്ക് കമ്പ്യൂട്ടര്‍ അറിവു നല്‍കുന്ന, രാവിലെ ആറു മുതല്‍ രാത്രി ഒന്‍പതു വരെ പ്രവര്‍ത്തിക്കുന്ന കമ്പ്യൂട്ടര്‍ പഠന കേന്ദ്രത്തെക്കുറിച്ചു ചെയര്‍മാന്‍ അഭിമാനതോടെ പറഞ്ഞു..
ചിത്രരചനക്ക് C.C.R.T സ്കോളര്‍ഷിപ്പ് ലഭിക്കുന്ന, കഥാകാരിയായ ബാലജന സഖ്യം കണ്ണൂര്‍ മേഖലാ ജോയിന്റ് സെക്രട്ടറി ആതിര.എസ് സ്വാഗതവും, സഖ്യം തലശ്ശേരി യൂണിയന്‍ ഭാരവാഹിയായ അര്‍ജുന്‍ പുരുഷോത്തം നന്ദിയും പറ‍ഞ്ഞു.
കോഴിക്കോട് ശില്പശാലയില്‍ പങ്കെടുത്ത മോഹനന്‍ കത്ത്യാരത്താണു മാഹി ശില്പശാ‍ലക്ക് താല്പര്യമെടുത്തത്. ഭൂലോകത്ത് കുട്ടി കോര്‍ണര്‍ കുട്ടികള്‍ തന്നെ ഒരുക്കട്ടെ. കുട്ടികഥകളും കുഞ്ഞു വരകളും ഇളം ചിന്തകളും ഭൂലോകത്തെ ചിത്രശലഭങ്ങളാവട്ടെ..
മയ്യഴി പുഴയുടെ തീരത്തല്ല, പാലത്തു നിന്ന്..
കണ്ണൂരാന്‍ പഠിതാവിനൊപ്പം...
കുട്ടികള്‍ക്ക് ഭൂലോകത്ത് ചിറകു വെക്കാന്‍ അമ്മമാരുടെ പിന്തുണയുണ്ട്..
ശില്പശാലയോട് കലിപ്പുള്ള ചിലരുടെ ചോദ്യങ്ങള്‍ ഓര്‍മ വരുകയാണ്.. “ഈ കണ്ണൂരാന് വേറെ പണിയില്ലേ?” കേരളത്തെ ബ്ലോഗുലകമാക്കിയേ ഇയാളടങ്ങൂ എന്നു തോന്നുന്നു..കണ്ണൂരിന്റെ സന്തതിയല്ലേ..! വിമര്‍ശകര്‍ പത്തി മടക്കി മാളത്തിലേക്കു വലിഞ്ഞോളും.....
ശില്പശാലയിലെത്താന്‍ കാലവര്‍ഷം തടസമല്ല..
ബാലജന സഖ്യം കണ്ണൂര്‍ മേഖലാ ജോയിന്റ് സെക്രട്ടറിയായ ആതിര.എസ്
ബാലജന സഖ്യം രക്ഷാധികാരി അഡ്വ.സി.ഒ.ടി.ഉമ്മര്‍
മാഹി മുനിസിപ്പല്‍ കൌണ്‍സില്‍ ചെയര്‍മാന്‍ രമേശ് പറമ്പത്ത്
കുഞ്ഞു ബ്ലോഗുമായെത്തുന്ന കുട്ടികള്‍ ഭൂലോകത്തെ ചിത്രശലഭങ്ങളാവട്ടെ..
മോഹനന്‍ കത്യാരത്ത് -“ കോഴിക്കോട് ശില്പശാലയാണ് മയ്യഴിയില്‍ ‘കുട്ടികളരി’ ഒരുക്കാന്‍ എനിക്ക് പ്രചോദനമായത്..”
ബാലജന സഖ്യം തലശ്ശേരി യൂണിയന്‍ ഭാരവാഹിയായ അര്‍ജുന്‍ പുരുഷോത്തം
ഈ പരശുറാം വണ്ടിയില്‍, ഒരു ദിനം കൂടി ബ്ലൊഗിന് സമര്‍പ്പിച്ച് വീട്ടിലേക്കു മടങ്ങുന്ന കണ്ണൂരാനുണ്ട്...
ഭൂലോകത്ത് കൈവഴികള്‍ പലതാണെങ്കിലും...
മലയാളം ബ്ലോഗിന് ഒരുപാട് മുമ്പോട്ട് കുതിക്കാനുണ്ട്..

6 comments:

സുനില്‍ കോടതി (സുനില്‍ കെ ഫൈസല്‍ ) said...

ഭൂലോകത്ത് ശലഭങ്ങള്‍ പാറി നടക്കട്ടെ..

ViswaPrabha വിശ്വപ്രഭ said...

ഭൂലോകത്തും ബൂലോഗത്തും കൈവഴികള്‍ പലതാണെങ്കിലും...
മലയാളം ബ്ലോഗിങ്ങിന് ഇനിയും ഒരുപാട് മുമ്പോട്ട് കുതിക്കാനുണ്ട്..

:-)

കണ്ണൂരാന്‍ - KANNURAN said...

ഇന്നലെ തുടങ്ങിയ മലയാളം ബ്ലോഗുകളിവയാണ്.
1. മിഥുനം
2. ശിവപ്രിയ

സുനിലിന്റെ വിവരണം ഗംഭീരമായി.

ഏറനാടന്‍ (എസ്‌.കെ. ചെറുവത്ത്‌) said...

ഇതെപ്പോ സംഭവിച്ചു!! ഏതായാലും വൈകിയറിഞ്ഞതാണേലും അഭിനന്ദനങ്ങള്‍ നേരുന്നു.

സഗീറിന്റെ ബ്ലോഗുകള്‍ said...

അഭിനന്ദനങ്ങള്‍ നേരുന്നു.

krishnakumarcv said...

It is very much interesting to see our well wishers and friends through internet. The noval idea of posting such an intersting web site is very much appreciable and ofcourse the pain taken to conduct such blog SILPASALA might be very much tedious and those who conduct such an interaction will be given recognition. Wishing you a nice days ahead with a simple request to incorporate more local information or at least give links to such sites.

Krisnakumar CV
Vysakham
Near Shree Rajarajeswara Temple
Taliparamba 670141
9847918479